تـ ع ـال تـ ع ـال وين تنحاش شفتك مريت ولا رحبت ..،

**مطنقـر زمـانه**

السـلام عليكم ورحمـة الله وبركـاته ..،

وش اخباركم وشلون عيالكم ..،

الله لا يصبحكم ولا يمسيكم الا بكل خير ..،

تسيف حالكم ان شاء الله انكم باحسن حال ..،

تبون اقول لكم كيف دخلت هنا ومن دلني عليكم ..،

انا بقول لكم كيف دخلت المنتدى ..،

<<<<<<<<<<<بيقول قصة حياته ..،

مرتن من المراريت كنت احوس بالنت ..،

اسجل بمنتدى واخلي منتدى ..،

وذا يعجبن وذا مدري وشلون قايل وذا اتطنز عليه والثاني امدح فيه ..،

وبما ان الفضاوه مقطعتني ..،

قلت يا ولد ما بدهاش لازم تدبر نفسك ..،

وتدبر لك منتدى زي وجهك >>حلو ..،

واطيح على منتداكم واشوفه مير يعجبن ..،
من دخلت وانا اسمع زبيده تطق وتغني والحاره قايمه قاعده بالردح <<يبون ينعشون المنتدى ..،

وامر من جنبها واحلف عليها والله ما تتحركون كملوا طق يا بعدي اجيتس وانا اقحص وادخل المنتدى وانا الفح بكشتي الحلوووووه ..،

واشوف العقود حقت اللمبات معلقه تقل لؤلؤ ..،

والفرشات الحمر مفروشات والعالم يرقصون سامري ..،

اللي استنزل بالرقص واللي جايه زار يا كافي ويا دافع البلا ..،

على بالي عندكم عرس ولا جلسة طرب ..،

ومير اطق الباب ولا احد يفتح لي ..،

واصارخ وانادي مابوووه احد يسمع ..،

شكلهم خاشين جو مع زبيده ..،

يا ربي وش اسوي .. يا ربيي وش كثر اعاني ..،

واخذ المايك واتكلم باعلى صوتي ..،

الوووووووووووووو الووووووووووووو ..،

واقول ياهل الحاره بتفتحون الباب ولا لا ..،

طلع بوجهي دلخ صغير ما ادري من وين جاي تقل فحمه ..،

يقول وش تبي يا ولد ..،

انا اقول بنفسي وش عننننننده ذا يقول لي ولد لا يكون يحسب نفسه رجال ..،

قلت له وين امك ؟؟

قال امي تغني ما تسمع الفنانه زبيده ..،

اوووووووخص والله ما يلعب ذا البزقه هو وامه الفنانه ..،

<<<<<<<طقاقات اخر زمن ..،

قلت اجل الدعوه فري هنا يعني البيت بيتك <<<آويليييييي يا مصر ..،

وادرعم ومحد يردني الا عتبة الباب لاني تكرفست به وانا ارقص ما كنت منتبه ..،

مير ادخل واكتب موضوعي ذا ..،

اغديكم ترحبون بي <<<موب ترجي ترا غصبن عليكم ..،

ممكن ترحبون طيب ؟؟؟ <<<موب لايقه عليه الذرابه ..،

يالله ســـــلام ..،

**Bronzy No0ody**

مرحبا يا مرحبا يامرحبا بالطش والرش

هلا باللي لفاني يا هلابه

مرحبا ترحيبتة كلها لش تكسيش من راسش الى حد ماطاش

منور يا عسل واسفين عالتأخير فديتك

نودي